Esta dushiiiii … of no?!

Tur hende sa cu sucu ta causa cu djente ta cay y tambe obesidad. Pero, kico ta sucu?

Recientemente Dr. Viana, Nutricionista Clinico, a presenta un charla ariba sucu.  E la splica cu estudionan ta mustra cu ora cu cuminda integral manera fruta wordo comi, sucu natural (glucose) via di nos digestion ta bay den nos sanger y por wordo uza door di nos curpa pa energia. Sinembargo, ora come cuminda cu sucu rafina manera e sucu den refresco of mangel e absorbacion ta hopi rapido.  E absorbacion rapido aki ta causa cu e nivel di sucu den sanger ta subi masha lihe y despues ta baha strobando e nutriente nan natural di e curpa cual ta conduci na problema di salud.

Tin tres diferente tipo di sucu: regular, artificial y “sugar-alcohols”. Sucu artificial ta un kimico cu a wordo descubri na momento cu tabata desaroyando un insecticida nobo.  E kimico aki ta wordo uza den cuminda y cosnan di bebe na luga di sucu natural. Sucu artificial cientificamente ta wordo atribui na atakenan di panico, cambio di humor, halucinacion, mareamento y te hasta cancer!

Otro tipo di sucu “natural” den casi tur cos awendia ta e High Fructose Corn Syrup (HFCS) tambe jama “Corn Sugar”. HFCS ta un sucu di concentracion hopi halto traha di maishi, cu nos curpa no por transforma den energia y, na su luga e ta converti esaki den vet. Esaki ta un di e causanan  mayor di obesidad.

Xylitol ta un “sugar-alcohol” cu ta obtenibel na Aruba y ta smaak mescos cu sucu blanco regular pero cu 33% menos caloria.   E ta bon pa diabeticonan door cu e no ta hisa e nivel di sucu den sanger. Anto por traha desert cu ne sin sinti culpabel.  Miho ainda, e ta bon pa salud dental, horea y e sistema respiratorio.   Dentistanan na Europa pa añanan caba ta recomendando uzo di bals y pasta di djente cu Xylitol.  Esta dushiiiii

Ki suplemento esencial nos mester?

Vitamina A

Spectro Multi-Vita-MinVitamina A ta necesario pa un cuero y bista saludabel, y ta fortalece e sistema inmunologico. Tambe e ta un antioxidante cu ta proteha e celnan di nos curpa di daño. E dosis recomenda ta 700 microgram pa dia pa hende homber y 600 microgram p
a hende muhe. Vitamina A ta wordo reteni door di bo curpa, dus si bo tuma di mas e por acumula te na nivelnan peligroso y causa daño na higra. Pa e motibo aki ta bon pa bo tene cuenta cu tur cuminda y/of suplemento cu bo por ta hayando vitamina A for di dje.

Vitamina A bo por haye di suplemento di Multi-vitamina, Cod Liver Oil y suplemento antioxidante. Y por ehempel door di come higra. Tene cuenta pa bo no surpasa e cantidad recomenda.

(Traduci di e articulo “The Vital Vitamins” skirbi pa Dr. Carina Norris)

Lesa mas di e suplemento esencial cu nos mester:
Part 1: Vitamina A
Part 2: Vitamina B
Part 3: Vitamina C
Part 4: Vitamina D
Part 5: Vitamina E
Part 6: Vitamina K
Part 7: Hero (Iron)
Part 8: Calcium
Part 9: Zink
Part 10: Magnesium
Part 11: Selenium
Part 12: Fish Oil
Part 13: Probiotics and Prebiotics

Ki suplemento esencial nos mester? Vitamina B

Featured

Vitamina B

20110706133418_1149_T1_W275_HVitamina B ta consisti di un grupo di vitamina cu ta inclui B1, B2, B3, B6 and B12. Nan ta descarga energia for di cuminda, traha bloedcellen y tene e sistema nervioso saludabel. Nan ta disolve den awa y no ta wordo reteni den bo curpa. Kiermen cu cualkier cantidad dimas cu wordo tuma di e vitaminanan aki ta wordo saca afo via bo urina. Kiermen cu si bo tuma nan como parti di un multivitamina no ta dañino.

Acido fólico, otro miembro di e grupo di vitamina B y cu ta vital pa hende muhe na estado of esunnan planeando pa sali na estado como cu e ta reduci e risico di defectonan nervioso, manera spina bifida (defecto di lomba) den e baby. Tambe tin evidencia cu e por reduci malesa di curason.

E recomendacion pa cu Acido folico ta 200 microgram. Pa esunnan planeando di sali na estado e recomendacion ta 400 microgram durante e prome 3 luna di embaraso. Cualkier cantidad excesivo ta wordo saca via di urina.

(Traduci di e articulo “The Vital Vitamins” skirbi pa Dr. Carina Norris)

Lesa mas di e suplemento esencial cu nos mester:
Part 1: Vitamina A
Part 2: Vitamina B
Part 3: Vitamina C
Part 4: Vitamina D
Part 5: Vitamina E
Part 6: Vitamina K
Part 7: Hero (Iron)
Part 8: Calcium
Part 9: Zink
Part 10: Magnesium
Part 11: Selenium
Part 12: Fish Oil
Part 13: Probiotics and Prebiotics